Lajmerime

Avancimi i procedurës për grumbullimin e të dhënave mbi stazhin e sigurimit dhe pagave (fletëparaqitje M4)

Fondi i sigurimit pensional dhe invalidor i Maqedonisë së Veriut në kuadër të kompetencave të tij krijon dhe udhëheq evidencë të të dhënave mbi stazhin e sigurimit dhe pagave (fletëparaqitje M4) të cilat janë kusht për realizimin e të drejtës së pensionit dhe përllogaritjen e shumës së pensionit.

Në mënyrë që të realizohet efikasitet më i madh në zbatimin e kësaj kompetence ligjore, Fondi dhe Ministria e punëve të brendshme, më 23 maj të vitit 2018 lidhën Memorandum për bashkëpunim afarist.

Memorandumi për bashkëpunim afarist ka për synim që nëpërmjet bashkëpunimit të ndërsjellë, Fondi në mënyrë elektronike të siguron të dhënat mbi stazhin e sigurimit dhe pagat e të punësuarve të MPB-së për periudhën para vitit 2006.

Ky Memorandum del nga obligimi i Qeverisë së Republikës së Maqedonisë i dhënë Fondit, në Seancën e tridhjetë e shtatë të mbajtur më 09.11.2017.

Me Memorandumin përcaktohet mënyra e zbatimit të kontrollit dhe përgjegjësisë mbi saktësinë dhe plotësinë e të dhënave për stazhin e sigurimit dhe pagat e të punësuarve në MPB.

Gjithashtu definohet edhe mënyra e marrjes së të dhënave mbi stazhin e sigurimit dhe pagave (fletëparaqitjeM4) nga ana e Fondit për të punësuarit në MPB.

Gjatë vitit 2018 në bazë të Memorandumit të lidhur janë përpunuar më shumë se 60.000 fletëparaqitje M4 me të cilat u sigurua saktësia e evidencës për të punësuarit e Ministrisë për punë të brendshme.

• Implementimi i reformave në sigurimin pensional dhe invalidor

Me implementimin e Ligjit për ndryshimin dhe plotësimin e Ligjit për sigurim pensional dhe invalidor dhe Ligjit për ndryshimin dhe plotësimin e Ligjit për sigurimin e detyrueshëm pensional me financim kapital, të cilët u botuan në “Gazeta Zyrtare e RM-së” nr. 245 prej 28 dhejtor të vitit 2018, Shërbimi profesional i Fondit gjatë vitit 2019 mori përsipër të gjitha detyrimet ligjore që lidhen me anëtarësimin në shtyllën e dytë pensionale. Sipas kritereve të reja, të siguruarit të cilët për herë të parë hyjnë në sigurimin e detyrueshëm pensional dhe invalidor pas 01.01.2019 dhe në datën e qasjes në sigurim të jenë nën moshën 40 vjeç janë anëtarë të detyrueshëm të shtyllës së dytë pensionale.

Përkatësisht, sipas dispozitave ligjore të lartpërmendura është realizuar regjistrimi përkatës i anëtarëve në shtyllën e dytë pensionale, ndërsa një pjesë e anëtarëve u kthyen në shtyllën e parë pensionale.

Gjithashtu, është realizuar edhe shpërndarja e përshtatshme e kontributeve në shtyllën e parë dhe të dytë.

Regjistrimi i anëtarësisë, si dhe transferimi i mjeteve ndërmjet Fondit dhe shoqërive pensionale private (SHPP) tregohen në tabelat e mëposhtme:

– Për anëtarët të cilët janë transferuar jo në kohë në fondet pensionale të detyrueshëm, deri më 31.12.2018 dhe për të cilët jo në kohë është bartur kontributi i paguar dhe kompensimi për bartje jo në kohë të kontributit ndaj fondeve pensionale të detyrueshëm, tregohet pasqyra e mëposhtme e transfereve të realizuara nga Fondi i SPIMV-së ndaj shoqërive private pensionale:

Transfer nga FSPIMV ndaj FPP – për anëtarët e pa shpërndarë dhe kontributi i transferuar jo në kohë në fondet pensionale të detyrueshme

Transferet nga shoqëritë private pensionale (SHPP) ndaj Fondit të SPIMV-së për anëtarët e detyueshëm të cilët kanë lindur para 1 janarit të vitit 1967, bujqit dhe anëtarët e siguruar me stazh të benifikuar, të cilëve u ndërpritet anëtarësia në fondin e detyrueshëm pensional më 1 janar të vitit 2019 sipas ndryshimeve ligjore, paraqitet gjendja në vijim e transfereve të realizuara nga fondet pensionale private ndaj Fondit të SPIMV-së:

Në raport me anëtarët të cilët kanë të drejtë sigurimi në nënshkrimin e deklaratave për ndërprerje/vazhdim të anëtarësisë nga ana e anëtarëve vullnetarë të fondeve të detyrueshme pensionale të lindur para 1 janarit të vitit 1967 të cilët kanë të drejtën e zgjedhjes për ndërprerje/vazhdim të anëtarësisë deri më 30 shtator të vitit 2019 pas skadimit të afatit, gjendja në vijim:

Transfer nga FPP ndaj FSPIMV-së – për anëtarë vullnetarë me të drejtë deklarate për ndërprerje të anëtarësisë në shtyllën e dytë pensionale

Në zbatimin e Ligjit për ndryshimin dhe plotësimin e Ligjit për sigurim pensional me financim kapital (Gazeta zyrtare e RSM nr. 180/19), anëtarët e shtyllës së dytë të cilët kanë stazh sigurimi i cili konsiderohet me kohëzgjatje të shtuar kanë të drejtë të deklarohen për vazhdimin e anëtarësisë në shtyllën e dytë, deri më 30 nëntor të vitit 2019. Pas skadimit të afatit ligjor, personat të cilët nuk kanë dhënë deklaratë për vazhdimin e anëtarësisë në shtyllën e dytë, janë kthyer në shtyllën e parë pensionale dhe mjetet nga llogaritë individuale janë transferuar në Fondin e SPIMV-së. Gjendja si më poshtë:

Me ndryshimin dhe plotësimin e Ligjit për sigurimin e detyrueshëm pensional me financim kapital është rregulluar që Fondi i SPIMV-së të paguajë kompensim për funksionet të cilët i kryen për nevojat e sigurimit të detyrueshëm pensional me financim kapital. Kompensimi paraqet kompensim mujor në barrë të shoqërive pensionale në lartësi prej 0,1% prej çdo kontributi të paguar për muajin e kaluar në fondet pensionale me të cilët administrojnë shoqëritë. Mbi atë bazë, më 31.12.2019 është paguar shumë prej 7.927.134,00 den.

Reformat e zbatuara në vitin 2019 ndikuan ndaj gjendjes financiare të Fondit e cila mund të shihet në faktin se viti përfundoi me një gjendje pozitive financiare rreth 2,7 miliardë denarë.