Настани

Од 19 до 21 јуни 2019 година во Хотел „Инекс Горица” во Охрид, во организација на Фондот на пензиското и инвалидското осигурување на Северна Македонија, се одржа 11-та средба на директорите на фондовите -заводите за пензиско и инвалидско осигурување од државите настанати на територијата на поранешна СФРЈ.

На 11.06.2019 година, е потпишан Договор за соработка меѓу Фондот на пензиското и инвалидското осигурување на Северна Македонија (ФПИОСМ) и Департаментот за пензии при Министерството за труд и социјална политика на Република Косово (ДП-МТСП-РК).

Од 14 до 16 мај, оваа година, во Баку, Република Азербејџан, во организација на Меѓународното здружение за социјално осигурување (ISSA), се одржа Европски форум за социјално осигурување на тема: „Достигнувања и предизвици во областа на социјалната сигурност во Европа“.

На 4 и 5 март 2019 година, се одржа работна средба меѓу Фондот на пензиското и инвалидското осигурување на Северна Македонија и Фондот на пензиското и инвалидското осигурување на Црна Гора.

Во организација на Републичкиот Фонд за пензиско и инвалидско осигурување на Република Србија, од 21 до 23 јуни 2018 година, во Белград, се одржа Десеттата средба на директорите на фондовите за пензиско и инвалидско осигурување од државите настанати на територијата на поранешна СФРЈ.

В.д. директорот на Фондот на пензиското и инвалидското осигурување на Македонија г-н Амет Даути и градоначалникот на Општина Чаир, г-н Изет Меџити, денес во единасесет часот го посетија Пензионерскиот дом Чаир, каде остварија средба со станарите на Домот. Целта на посетата беше да се види на лице место што е реновирано и колку се задоволни станарите на домот.

По повод завршената реконструкција на Пензионерскиот дом во Автокоманда, Општина Гази Баба, денес, 27 август, во 11,30 часот, пред платото на Пензионерскиот дом, прес-конференција одржаа министерот за труд и социјална политика Диме Спасов, в.д. директорот на Фондот на ПИОМ, Амет Даути, претседателот на Сојузот на здруженијата на пензионери на Македонија, Драги Аргировски, градоначалникот на Општина Гази Баба, Тони Трајковски и претседателот на Советот на Општина Гази Баба, Милан Андоновски.

Фондот на пензиското и инвалидското осигурување на Македонија воспостави нова услуга, со која преку својата веб-страница обезбедува пристап на осигурениците до нивните регистрирани податоци во матичната евиденција.

Со измените и дополнувањата на Законот за пензиското и инвалидско осигурување, објавени во Сл. Весник на Р.Македонија бр. 113/2014 година, Фондот на пензиското и инвалидското осигурување на Македонија според член 207-а ја спроведе обврската околу начинот на информираност на осигурениците во врска со податоците за стажот на осигурување и платите.