Настани

На 26 и 27 октомври 2022 година, во Фондот на пензиското и инвалидското осигурување на Северна Македонија во Скопје, се одржаа Советодавни денови меѓу претставниците на Фондот на ПИОСМ и Германскиот  носител за социјално осигурување.

Пред почетокот на разговорите, в.д. директорот Дритан Беџети, ги пречека и ги поздрави гостите – учесници на Советодавните денови од СР Германија.

На советодавните денови,  граѓаните добија одговори и совети во врска со остварувањето на правото на пензија, согласно Договорот за социјално осигурување помеѓу Република Македонија и Сојузна Република Германија.

Најчесто поставувани прашања од страна на  присутните граѓани беа:

1. Услови за остварување право на старосна пензија (предвремена и редовна) според германското законодавство.
2. Услови за остварување право на сeмејна пензија според германското законодавство.
3. Услови за остварување право на инвалидска пензија според германското законодавство.
4. Потребна документација при поднесување на барање за остварување право на германска пензија.
5. Податоци во врска со висината на германската пензија.
6. Постапка за потврдување на стажот во Германија.
7. Место на поднесување на барањето.
8. Постапка за враќање на придонеси.

Овие средби, редовно се одржуваат од 2012 година, и тоа, двапати годишно во Република Северна Македонија и Сојузна Република Германија и истите ќе продолжат и во иднина.